SEX EDUCATION HMEICHHIATEN NUAM AN TIDER NASA

 

SEX EDUCATION lam hawi ka sawi dawn a; zahmawh ngialngan sawi kan tum lo. Nupui pasal nei tawh tan a tangkai takin tih thu-ah ka han sawi chauh dawn a ni. Tuten emaw an lo tangkaipui takin zak rilru deuh chung chungin kan han sawi dawn a nih chu.

Nupa inpawlna chungchanga hmeichhe harsatna hi han sawi hmasa ila a tha awm e. Mi thiam ziaksa kan sawi chhawn mai loh chuan keini ang chuan sawi tur tak tak kan hre lo lehnghal!

Kum 1948-a Alfred Kinsey-a ten mumal taka zirna an neih atang khan mipa za zela 95 chuan inpawl apiangin a nuam vawrtawp an thleng a. Hmeichhia erawh chu a zirtute zir dana zir chhuah dana zirin za zela 50 atang 70 chauhin an thleng thin. Hei pawh hi inpawl dan tlanglawn, indungbawh kan tih ang chi ringawt hi chuan hmeichhiain an thleng thei meuh lova ngaih a ni.

ABC News, September 4, 2009 chhuakah chuan mi thiamte zir chhuah dan ti hian a inziak: “Hmeichhia za zela 75 chuan kuta khalhsak fe emaw, fawhsak emaw, hmanraw dang hmansak emaw lo chuan  inpawl dan pangngai ringawtin a vawrtawp an thleng thei lo,” a ti. Hei hi mi dang zir chhuah dan nen pawh a inzul viau a ni. Mipa chuan eng anga rei pawh tlin se hmeichhia chuan a thleng thei chuang lo. Mipa serh len leh len lohin kawngro a su miah lo bawk. Reader’s Digest Best Health-in a chhuah dan phei chuan hmeichhia za zela 80 zet chu serh kuaa tihluh ringawt atanga a vawrtawp thleng thei lo an ni. 

Eng vangin nge hmeichhiate hian an serh kua atangin a vawrtawp an thlen theih loh? Hei hi a chhan chu an serh kua-ah ni lovin an mawn (clitoris)-ah hian hriatna thazam an ngah zawk daih vang a ni. Hmeichhe tam zawk daih chuan eng tikawng mahin inpawl dan pangngai atang chuan a vawrtawp an thleng thei lo a ni ringawt mai. 

Kum 1927 daih tawh khan French psychoanalyst pakhat Princess Marie Bonaperte chuan hei hi a lo hre daih tawh a. Chuvang chuan ama C-V (clitoris-Vagina), centimeter hnih leh a chanvea inhlat chu a tihzim dan ngaihtuahin a inzai a; mahse chu chuan a harsatna chu a tikiang chuang lo.

Mipa tam tak chuan inpawl dan pangngai hian hmeichhiate chu nuam ti ve nghal em em turin an beisei thin. An hre lo chhiava a ni. Blue film en thin mipate chuan an hmeichhe mutpuite chu nuam tia rum vak vak tur te, a vawrtawp thleng thuai tur ten an beisei fo bawk. Mahse blue film-te hian a taka thil awm thei lo pui pui an lantir tih hriat tur. Blue film leh Chinese film inanna chu a taka thil thleng thei miah lo an lantir thin hi a ni. Kum 2017 August thla chhuak The Journal of Sex and Marital Therapy pawhin a chunga kan han sawite khi a la rawn nemnghet zel bawk. Anni zir chhuah dan chuan hmeichhia za zela 18 chauhin an serh kua atangin a vawrtawp an thleng thei a. He an thil zir hian kum 1970-a Anne Koedt thuziak lar tak The Myth of Vaginal Orgasm tiha hmeichhiain an serh kua atanga a vawrtawp thlen an harsatzia a sawi kha a rawn nemnghet kan ti thei ang chu. 

G-Spot:

 

Hman deuh atang khan hmeichhe serh chhungah hian hriatna thazam insawrbingna hmun bik G-spot an tih chu a lar hle a. Internet-ah pawh a zawn hmuh dan inkawhhmuhna a tam khawp mai. Mipa thenkhat intizei deuh phei chuan an nula pawlte G-spot hawlh fuh a, an hmeichhe pawlte chuan nuam ti ta em em angin an sawi thin. Mahse tun hnu-ah mi thiamten an han zir chiang a, G-spot hi a awm lo niin an sawi ta tlat mai. Kum 2012 chhuak Journal of Sexual Medicine chuan G-spot hi a tak takah a awm lo an rawn ti ngam ta sak a. Hei hian a hma lawka mi thiam tam tak ngaihdan lo awmsa tawh kha a rawn nemnghet chiang hle. Italian mi thiam leh American mi thiamte zir chhuah dan pawh a inmil chiah a; chu chu G-spot hi a awm lo tih hi a ni. 

Hmeichhiain An TiDer Nasa

 

Zir chhuah dan a inang lo viau thin naa a zir apiangin an sawi chu hmeichhiate hian inpawl laiin nuam an tider nasa hle tih hi a ni. Nuam ti-awm taka rum vak vak te, han tre der vel te, han thawk huam huam te leh han eu vak vak te hi an ching viau. Zirna thenkhatah phei chuan hmeichhia za zela 80 zetin nuam an tider thin a ni. Mipate pawhin nuam chu an tider ve fo tho naa hmeichhia ang em emin an uar ve lo. Cosmopolitan chanchinbu (March 23, 2015)-in hmeichhia kum 18 atanga 40 inkar 2300 a zawh zinga za zela 67 chuan nuam an tider thin ngei tih an sawi a. Za zela 72 te chuan an kawppuiten a vawrtawp an thlen laiin nuam an lo tider vak vak thin niin an sawi. Hetianga nuam tider thin hmeichhia za zela 27 chuan a vawrtawp an thlen ve dawn loh avangin inpawl zawh thuai thuai nan nuam an tider thin nia an sawi laiin za zel 28 chuan an kawppuite ngaihthat nan nuam an tider niin an sawi. Hmeichhe thenkhat chuan anmahni leh anmahni intihphur nan nuam an ti der bawk. 

 

Be the first to comment

Leave a Reply

Your email address will not be published.


*